«     »  
New Details Back to news list

மகாராணியார் கிரீடம், ஆண் வாரிசுகள் அணிந்தால் உயிருக்கே ஆபத்து!

அரச குடும்பத்து ஆண்களுக்கு துரதிர்ஷ்டத்தைத் தரும் சபிக்கப்பட்ட கிரீடம் என்றே சிலர் அதை குறிப்பிடுகின்றனர். எலிசபெத் ராணியாரிடமிருந்த பல கிரீடங்களில் ஒன்று தான் கோஹினூர் வைரம் பதிக்கப்பட்ட அந்த கிரீடம். பாரசீக மொழியில் ஒளியின் மலை என வர்ணிக்கப்படும் கோஹினூர் வைரமானது சபிக்கப்பட்ட ஒன்று எனவும் கூறப்படுகின்றது. இந்து துறவி ஒருவரின் கூற்றுப்படி, ஆண் வாரீசு எவரும் அந்த வைரம் பதித்த கிரீடத்தை அணிந்தால் அவர் உலகத்தை சொந்தமாக்கிக் கொள்வார், ஆனால் அதனால் ஏற்படும் அனைத்து துரதிர்ஷ்டங்களையும் அனுபவிக்கவும் நேரிடும் என குறிப்பிட்டுள்ளார்.

விக்டோரியா ராணியாருக்கு பின்னர் மூன்று பெண்கள் கோஹினூர் வைரம் பதித்த கிரீடத்தை அணிந்துள்ளனர். மேலும், விக்டோரியா ராணியாருக்கு பின்னர் கிரீடமானது, அரச குடும்பத்து உறுப்பினர்கள் அணியும் கிரீடங்களின் பட்டியலிலும் இல்லை. இதனால், கிரீடமானது மன்னர் சார்லஸ் அணிந்து கொள்ள வாய்ப்பில்லை என்றே நம்பப்படுகின்றது. கடைசியாக அந்த கிரீடத்தை அணிந்தவர் முதலாம் எலிசபெத் ராணியார் எனவும், அதுவும் 1953ல் ராணியார் இரண்டாம் எலிசபெத்தின் பட்டமளிப்பு விழாவின்போது என்றே கூறப்படுகின்றது. தற்போது அந்த கிரீடமானது மன்னர் சார்லஸின் மனைவி கமிலா அணிய வாய்ப்பிருப்பதாக தெரிய வந்துள்ளது. கடைசியாக அந்த கிரீடம் 2002-ல் ராணியார் முதலாம் எலிசபெத்தின் சவப்பெட்டியின் மேல் வைக்கப்பட்டிருந்தது என்பது குறிப்பிடத்தக்கது

Share This Post